Bu həsənətləri əldən vermə – Ramazana hazırlıq

Әziz müsəlman bacı və qardaşlar, xatırlatmaq istərdik ki, Ramazan ayına artıq çox az vaxt qalmışdır. Allaha həmd olsun.

Rəhmli və Mərhəmətli Allahın adı ilə

Həmd olsun aləmlərin Rəbbi olan Allaha, Allahın salamı və salavatı olsun peyğəmbərimiz Muhəmməd və onun ailəsinə və səhabələrinə.
Bundan sonra:

Әziz müsəlman bacı və qardaşlar, xatırlatmaq istərdik ki, Ramazan ayına artıq çox az vaxt qalmışdır. Allaha həmd olsun. Allahdan diləyirik ki, bizləri Ramazana çatdırsın.

Edəcəyimiz xatırlatma isə Quran oxumağı (təcvidsiz belə olsa) bacaran qardaş və bacılaradır. Uca Allah buyurur: “…Yaxşılıq etməkdə və Allahdan qorxmaqda bir-birinizə yardım edin. Günah işlər görməkdə və düşmənçilikdə bir-birinizə köməkçi olmayın. Allahdan qorxun. Həqiqətən, Allah şiddətli cəza verəndir.” (əl-Maidə 2)

Sizin əlinizə fürsət düşmüşkən, Rəbbiniz sizə fürsət vermişkən Onun bu əmrini yerinə yetirməyə tələsin. Әtrafınızda olan və Quran oxumağı hələ də bacarmayan müsəlmanlara Quran oxumağı öyrədin. Quranı minimum səviyyədə oxumaq üçün hər birimizə məlum olduğu kimi ən azı 1 həftəyə ehtiyac var. Bir həftə ərzində Uca Allahın köməyi ilə səlis şəkildə oxumağı öyrənmək mümkündür.

Elm isə insana öldükdən sonra da fayda verən əməllərdən biridir. Sən elmi qoyub gedirsən, onun isə sənə olan faydası hələ dayanmadan davvam edir. O elmdən pay göturən hər bir şəxsin savabından avtomatik sənə də yazılır (inşəAllah). Uca Allah buyurur: “Kim yaxşı bir işə vasitəçilik etsə, ona bunun savabından bir pay düşər, kim də pis bir işə vasitəçilik etsə, ona da onun günahdan bir pay düşər. Allah hər şeyi Qoruyandır.” (ən-Nisə 85)

Sən öyrədəcəksən, o oxuyacaq, oxuduğu hər hərfə görə (inşəAllah) 20 savab alacaq (çünki kəkələyə-kəkələyə oxuyur) və ondan azalmadan hər hərfin savabı avtomatik sənə də yazılacaq. Aişə Allah ondan razı olsun rəvayət edir ki, Peyğəmbər salləllahu aleyhi və səlləm buyurdu: “Quran oxuyan və onu əzbərdən bilən adam möhtərəm və müti mələklərlə eyni dərəcədədir. Çətinlik çəkə-çəkə daim Quran oxuyan adam isə iki savab qazanır.” (Buxari 4937, Muslim 1898, 798/244)

Hələ əgər Ramazanda oxuyarsa…..hələ əgər Qədr gecəsində…Min aydan xeyirli olan gecədə olunan əməllərin savabı (ən azı) 1000 ayda olunan əməllərin savabı ilə bərabərləşir. Təsəvvür edə bilirsən??!!

Şeyx İbnu Useymin (Allah ona rəhmət etsin) buyurur: “Әməllərin savabı (mükafatı) onları icra etdiyin məkan və zamana görə fərqlənirlər.” Yəni, ey həsənətlərə ehtiyacı olan qul, təsəvvür et Ramazanda Quranı 1) Özün oxuyursan, 2) Başqasına öyrətmisən o oxuyur, 3) O da kiməsə öyrədib – o oxuyur, 4) O da kiməsə öyrədib – o da oxuyur………. və beləcə bu zəncir hər dəfə uzandıqca sənin həsənətlərinin sayı da durmadan inşəAllah artaraq gedir. İstəmirsənmi? Heç mi ehtiyacın yoxdur? Hər gün 15 dəqiqə ayırıb kiməsə bunu öyrətsən, nə bilirsən? Bəlkə bu tədrisinin səbəbi ilə Allah sənə elə günlər nəsib edər ki, içərisində 15.000 və bəlkə daha çox savablar əldə edərsən. Hələ yalnız bu tədrisinin vasitəsi ilə bu ehtımallar gözlənirsə…

Nə qədərki gücün-qüvvətin çatır, istifadə et!

Sonda Həmd olsun aləmlərin Rəbbi Allaha

Senxatirlat.Com saytının rəsmi heyəti

Sən Xatırlat

Saytımızı Allahın köməyi ilə müsəlmanların xatırladılmağa ehtiyac duyduqları hər bir məsələyə toxunaraq mütəmadi olaraq yeniləməyə çalışacağıq. Daha ətraflı...

Bütün materiallara bax

Namaz Vaxtları

    Bakı, Azərbaycan
    29.03. 2017
    NamazVaxt
    Sübh04:54
    Günəş06:30
    Zöhr12:46
    Əsr16:18
    Məğrib19:02
    İşa20:32
    Namaza yeni başlayıram